काठमाडौं, १८ चैत । नयाँ शक्ति नेपालका संयोजक तथा पूर्वप्रधानमन्त्री डा. बाबुराम भट्टराईले यस वर्षको एसएलसी परीक्षामा सहभागी हुने विद्यार्थीलाई सफल हुने टिप्ससहित शुभकामना दिएका छन् ।
२०२६ सालको एसएलसी परीक्षामा बोर्डफस्ट भएका भट्टराईले सामाजिक संजालमार्फत शुभकामना दिएका हुन् । भट्टराईले भनेका छन्- ‘चैत्र १८ गतेदेखि शुरू हुने एसएलसी परीक्षामा संलग्न हुन लाग्नुभएका सबै विद्यार्थी भाइबहिनीहरुलाई सफलताको हार्दिक शुभकामना !’
सोही शुभकामनामा बाबुरामले विद्यार्थीलाई परीक्षामा सफल हुन् टिप्स पनि दिएका छन । विद्यार्थीकाबीचमा लोकप्रिय रहेका भट्टराईले भनेका छन्- ‘सकारात्मक सोंच राख्नोस्; कुनै तनावमा नपर्नोस्; राति राम्ररी निदाउनोस्; एकाग्रचित्त रहनोस्; अवश्य सफलता मिल्छ ।’
आजबाट सुरुहुने यो वर्षको एसएलसी परीक्षामा ६ लाख १५ हजार ५५३ विद्यार्थीहरु सहभागी छन् । यस वर्षदेखि एसएलसीको ग्रेडिङ प्रणालीमा नतिजा सार्वजनिक गरिँदै छ ।
