भूकम्प पीडितका लागि भारतबाट नेपालगञ्ज नाका हुँदै भित्राइएका करिव एक हजार
थान त्रिपाल नेपालगन्ज भन्सार कार्यालयको खुल्ला चौरमा पाँच महिनादेखि
थन्किएको छ।
लामो समयदेखि खुला चौरमा थान्काइएका त्रिपाल सड्ने अवस्थामा पुगेपनि प्रभाबित क्षेत्रमा पठाउनेतर्फ कुनै पहल भएको छैन्।
सरकारी निकायको लापरवाहीका कारण प्रभावित क्षेत्रका भूकम्पपीडित परिवार शीत
छेक्ने एकसरो त्रिपालसम्म नपाएर चिसोमा कष्टकर अवस्थामा रात बिताउन बाध्य
भइरहेका बेला नेपालगन्ज भन्सार कार्यालयमा एक हजार थान त्रिपाल त्यसै
थन्किएका छन् ।
सरकारले भूकम्प प्रभावितहरुका लागि भारतबाट त्रिपाल आयत गर्दा भन्सार छुट
दिने समय सकिएको दुई दिनपछि नेपाल भित्र्याइएका कारण भन्सार छुट नपाएपछि
त्रिपाल आयात गर्ने संस्थाले त्रिपाल त्यतिकै छाडेर गएको र हालसम्म
सम्पर्कमा नआएको नेपालगन्ज भन्सार कार्यालयले जनाएको छ ।
