आफुलाई अपराधी भन्दा एक कदम अघि रहेको दावी गर्ने प्रहरीहरु तीनचकित पर्दै, लागूऔषध कारोबारीहरुको तस्करीको तरिका प्रहरीकै लागि उदेकलाग्दो
प्रहरी अधिकृतहरु आफूलाई अपराधी भन्दा एक कदम अघि रहेको दावी गर्छन् । अपराधलाई नियन्त्रण गर्न दिलोज्यान लागि परेका अधिकृतहरु अपराधीका अनेक उपायहरुवारे गम्छन् । सूचना र सुराकीहरुको संकलन तथा व्यवस्थापनमा खट्छन् पनि । तर कानुनले वर्जित गरेता पनि अपराधका अनेक तौर तरिकाहरु वाहिर आएपछि तीनछक पर्छन् अनुसन्धानकर्ताहरु स्वयम् । पछिल्लो समय प्रहरीद्वारा नियत्रणमा लिई सार्वजनिक गरिएका आपराधिक प्रयासहरु विल्कुल नौलो थिए । यी सबै दृष्टान्तले पनि पुष्टि गर्छन – नेपाल अपराधीहरुको लागि अपराधको प्रयोगशाला सावित भैरहेको छ ।
यो खेलौना विरालो । प्लाष्टिक निर्मित । निर्जिव । मूल्य पाँचसयको आसपासमा । प्रहरीले यो विरालोलाई पनि पक्राउ ग¥यो । किनभने प्रहरीको नजरमा यो विरालोको मूल्य करोड वरावर थियो ।
विरालोसँगै प्रहरीले हेयर क्रिमको ससाना डिब्बाहरुलाई पनि नियन्त्रणमा लियो । गेट्स्वे कम्पनीका । प्रहरीको अनुसन्धानवाट डिब्बामा एमफेटामाइन नामक लागूऔषध भरिएको खुल्यो । लागूऔषध व्युरोले विहीवार सार्वजनिक गरिएका दुई नेपालीले एमफेटामाइनको कारोवारको तरिकाको नमूना हुन् यी । एमफेटामाइन लागू औषध नेपालका लागि विल्कुलै नयाँ लागू औषध हो र यस्को बारेमा प्रहरीले आफ्नो अनुसन्धान सुक्ष्मरुपबाट थालेको छ । उनीहरुले सुटकेशको डण्डीमा समेत उक्त लागूऔषध लुकाएर नेपाल वाहिर पठाउन लागेको खुल्यो ।
र यी, ट्रिसेमी स्ेम्फोका डिब्बाहरु । लागूऔषध व्युरोको नजरमा यी सेम्फो थिएनन् । दुई अन्तर्राष्ट्रिय युवतीहरुलाई फलोअप गर्दा डिब्बाभित्र करोडौं रुपैयाको कोकिन रहेको पुष्टि भयो । कारोवार नौलो थिएन । तरिका भिन्न थियो ।
यो क्षेत्रपाटी भोजनालय । र यो, नाम उल्लेख नगरिएको खाजा घर । सोह्रखुट्टे प्रहरीको आँखामा यी दुई खाजाघर शंकास्पद देखिए । छापा मार्दा अवगत भयो, धन्दा वेग्लै थियो । संचालक तथा संचालिकासहित केही जोडी युवायुवतीहरुलाई प्रहरीले पक्राउ ग¥यो ।
अपराध गरेपछि अपराधीहरु उम्कन पाउन्नन् । अपराधमा छोडेका सवूतहरु नै उनीहरुको कमजोरी हो । त्यसको हेक्का नगर्दा तिनीहरु कानुनको दायरा र प्रहरीको फन्दामा पर्छन् । तर प्रहरी अपराधी भन्दा एक कदम अघि हुन्छन् भन्ने दावी भने विरोधाभास देखिन्छन् । संभावित प्रयोग र अपराधलाई रोक्न भन्दा पनि प्रहरी अपराधीहरुको पछिपछि दोडिरहेका हुन् कि ? भनिन्छ नै चोरका हजार बाटो ।
